پارتی شەخەوان عەبدوڵا بۆ پۆستی جێگری دووەمی سەرۆکی پەرلەمان کاندید دەکات
شاخەوان عەبدوڵا
SNN-عەلی حەمە سەعید
وابڕیارە ئەمڕۆ پەرلەمانی نوێی عێراق كۆببیتەوە و پەرلەمانتارانی خولی پێنجەم سوێندی یاسایی بخۆن و پاشان دەستەی سەرۆكایەتی پەرلەمان هەڵبژێردێت، سونەكان كاندیدی خۆیان بۆ وەرگرتنی سەرۆكی پەرلەمان یەكلا كردووەتەوە و ئەمڕۆش جێگری دووەمی سەرۆكی پەرلەمان كە پشكی كوردە لەلایەن پارتییەوە دیاریكرا بەڵام تا ئێستا شیعەكان هیچ كەسیكیان بۆ جێگری یەركەمی سەرۆكی پەرلەمان دیاینەكردووە.
بەگوێرەی ئەو زانیارییانەی كە لە پەرلەمانی عێراقەوە بە SNNدراون، دوای ئەوەی پارتی دیموكراتی كوردسان بێهیوابووە لە وەرگرتنی پۆستی سەرۆككۆمار، ئەمڕۆ كاندیدی خۆی بۆ وەرگرتنی پۆستی جێگری دووەمی سەرۆكی پەرلەمانی عێراق دیاریكرد كە بریتیە لە ( شاخەوان عەبدوڵا) پەرلەمانتاری دەرچووی شاری كەركوك.
ئاماژەی بەوەشكرد، سونەكانیش محەمەد حەلبوسیان بۆ سەرۆكی پەرلەمان دیاریكردووە، بەڵام تا ئێستا شیعەكان نەگەیشتونەتە ڕێككەوتن لەسەر دیاركردنی كەسێك بۆ جێگری یەكەمی سەرۆكی پەرلەمان.
ئەو سەرچاوەیەی SNNئەوەشی خستەڕوو، كۆبوونەوەكەی ئەمڕۆی پەرلەمانی عێراق پێدەچێت دوابخرێت بۆ كاتژمێر دووی پاش نیوەڕۆ، ئەوەش بەهۆی ئەوەی تا ئێستا شیعەكان نەیانتوانیوە كاندید بۆ پۆستی جێگری یەكەمی سەرۆكی پەرلەمان دیاری بكەن.
ئەمە لەكاتێكدایە كە هەر دوێنێ، شەممە، موسەنا ئەمین پەرلەمانتاری یەکگرتووی ئیسلامی كاندید بوونی خۆی بۆ وەرگرتنی پۆستی جێگری دووەمی سەرۆكی پەرلەمانی عێراقی ڕاگەیاند.
