عێراق خاوەن پێنجەم گەورەترین یەدەگی نەوتە لە جیهاندا

SNN

بەپێی راپۆرتێکی ئاژانسی CNBC ئەمریکی کە ئەمڕۆ یەکشەممە بڵاوبووەتەوە، دەردەخات کە عێراق پلەی پێنجەمی گرتووە لە بوونی زۆرترین یەدەگی نەوت لە جیهاندا.

ئاژانسەکە ئاماژەی بەوەکردووە کە وڵاتی فەنزوێلا لە پلەی یەکەمدا دێت بە بوونی 303 ملیار بەرمیل بەوت و وڵاتی سعودیە لە پلەی دووەمدا دێت بە بوونی 258 ملیار بەرمیل نەوتی یەدەگ و ئێران 208 ملیار بەرمیل نەوت و کەنەدا لە پلەی چوارەم بە بوونی 170 ملیار بەرمیل نەوت و عێراق لە پلەی پێنجەم بە بوونی 145 ملیار بەرمیل نەوت.

هەروەها ئاماژە بەوەکراوە کە عێراق لە پلەی یەکەم دێت لە هەناردەکردنی نەوت لە وڵاتانی ئەندام لە رێکخراوی ئۆپیک بە رێژەی 4.3 ملیۆن بەرمیلی رۆژانە.