کەسێکی نزیکی سیستانی لە هەوڵی کوشتن رزگاری بوو
SNN
شەوی رابردوو هێرشکرایەسەر بەرپرسێکی ئەمنی نزیک لە سیستانی و لە هەوڵی کوشتن رزگاری بوو.
میدیاکانی عێراق رایانگەیاند، شەوی رابردوو لەلایەن سێ چەکدارەوە هێرشکراوەتەسەر ماڵی حەمید یاسری، ئامر لیوای هێزی ئەنسارولمەرج و ناوبراو لە هەوڵی کوشتن رزگاری بووە، دواتر چەکدارەکان هەڵاتوون.
بە گوێرەی میدیاکان، خەڵکی ناوچەکە لەدوای ئەو رووداوە چەکیان هەڵگرتووە و پشتیوانی خۆیان بۆ بەرگریکردن لە یاسری دەربڕیووە.
لەبارەی هەوڵی کوشتنیەوە، یاسری رایگەیاندووە: “گومان دەکەم هەمان ئەو کەس و لایەنانەی کە دەستیان لە کوشتنی ئەو هاووڵاتییانەدا سوورە کە داوای مافی خۆیان دەکرد، هەوڵی کوشتنی منیان دابێت”.
