هاووڵاتییەک سکاڵای یاسایی لەسەر هەڤاڵ ئەبوبەکر تۆماردەکات

SNN

هاوڵاتییەکى بەناوی دڵشاد محەمەد شاری سلێمانى بەهۆی بوونى چەندین قەیران لەناوخۆی پارێزگای سلێمانى سکاڵا لەسەر هەڤاڵ ئەبوبەکر پارێزگارى شارەکە تۆمار دەکات.

بەیانى ئەمرۆ ئەو هاووڵاتییە لە شاری سلێمانى لەکۆنگرەیەکى رۆژنامەنوسیدا لەبەردەم دادگای شارەکە رایگەیاند: ئەمڕۆ وەک هاووڵاتییەکى ئەم شارە سکاڵای یاساییەم لە دادگای لەسەر هەڤاڵ ئەبوبەکر پارێزگارى سلێمانى تۆمار کرد، چونکە پارێزگار بەرپرسیاری یەکەمە لەم پارێزگایە لەو قەیرانانەى کە بەرۆکى هاوڵاتیانیان گرتووە.

ئەو هاووڵاتییە ئاماژە بەوە دەکات، بۆچی پارێزگارى سلێمانى کە دەسەڵاتى هەیە و زۆرینەى دەنگەکانى ئەم زۆنەى بەدەستهێناوە کار بۆ چارەسەرکردنى ئەو کێشەو قەیرانانە ناکات کە ئێستا بەرۆکى هاووڵاتیانی گرتووە، ئەگەر دەسەڵاتیشى نییە بۆچی دەست لەکارناکێشێتەوە.

هەروەک ئەو هاووڵاتییە باسى دەکات لەسەردەمى هەڤاڵ ئەبوبەکردا کێشەى نەوت و غاز و رێگاوبانەکان چی بەسەر هاتووە کە بەراوردی بکەی بە پێنج ساڵ پێش ئێستا.