قائيمقاميەتی سلێمانی: گۆشتی سەر شەقامەکان مەکرن
فرۆشتنی گۆشت لەسەر شەقام
SNN
سهرۆكی لیژنهی چواری قائیمقامیهتی سلێمانی رایدهگهیهنێت: ئهو گۆشتهی لهسهر شهقامهكان دهفرۆشرێت شیاوی خواردن نییه.
بێوهی ئهحمهد، سهرۆكی لیژنهی چواری قائیمقامیهتی سلێمانی رایگهیاند: بههۆی سهربڕینی ئاژهڵ به شێوهیهكی نایاسایی و فرۆشتنی لهسهر شهقامهكان، لیژنهكه شهقامی كانی بای شاری سلێمانی دهستییان بهسهر دو ئاژهڵی سهربڕدراودا گرتوه.
وتیشی: ئهو ئاژهڵانهی له كۆڵان و شهقامهكان سهردهبڕرێن، لهگهڵ ئهوهی پشكنین بۆ ئاژهڵهكه نهكراوه، شوێنی سهربڕین و فرۆشتن گۆشتهكهش مهرجهكانی تهندروستی و ڤێتێرنهری تێدا نییه، بۆیه شیاوی خواردن و بهكارهێنان نییه.
سهرۆكی لیژنهكه كه هاوكات نوێنهری بهرێوهبهرایهتی ڤێتێرنهری سلێمانییه، داوا له هاوڵاتیانی شاری سلێمانی دهكات: بۆ پاراستنی تهندروستی خۆیان و خێزانهكانیان ئهو جۆره گۆشته مهكڕن له شهقام و كۆڵانهكان بهدهر له رێنماییهكانی تهندروستی و ڤێتێرنهری سهردهبڕرێن و دهفرۆشرێن، لهكاتی ههبونیدا لیژنه هاوبهشهكانی قائیمقامیهت ئاگادار بكهنهوه.
ئاماژهی بۆ ئهوهكرد: بهفهرمانی قائیمقامی سلێمانی ئاژهڵه سهبڕدراوهكان رهوانهی بهڕێوهبهرایهتی ڤێتێرنهری سلێمانی كراون بۆ لهناوبردن و تهواوی ئهو پێداویستیانهی لهو پیشهدا بهكارهێنراون لهلایهن لیژنهكانهوه لهناودهبرێت.
