نەتەوەيەکگرتووەکان: مه‌زه‌نده ده‌كرێت سه‌رچاوه‌ی داهاتی داعش 25 تا 50 ملیۆن دۆلار بێت
SNN
ڤلادیمیر ڤۆرۆنكۆڤ، به‌ڕێوبه‌ری یه‌كه‌ی به‌ره‌نگاربوونه‌وه‌ی نه‌ته‌وه یه‌كگرتووه‌كان، رایگه‌یاند: 6-10 هه‌زار ئه‌ندامی داعش له سووریا و عێراق هه‌ن.
ڤلادیمیر ڤۆرۆنكۆڤ له ئه‌نجوومه‌نی ئاسایشی نێوده‌وڵه‌تیی رایگه‌یاند: كه هه‌ڕه‌شه‌كانی داعش به‌رده‌وامن بۆسه‌ر ئاسایش و ئارامی نێوده‌وڵه‌تی، وێڕای له‌ده‌ستدانی سه‌ركرده و زیانبه‌ركه‌وتنه‌كانی رابردوو، كه‌چی داعش سه‌رله‌نوێ خۆی رێك خستووه‌ته‌وه و په‌لاماره‌كانی زیاد كردووه له ناوچه‌كانی پێكدادان و 6-10 هه‌زار ئه‌ندامی داعش هه‌ن له سووریا و عێراق”.
ڤلادیمیر ڤۆرۆنكۆڤ به جه‌خت كردنه‌وه له‌وه‌ی گرووپه‌كانی دیكه‌ی سه‌ربه داعش به خێرایییه‌كی هه‌راسانكه‌ر له گه‌شه‌سه‌ندندان، هۆشداری دا له‌وه‌ی زیادبوونی چالاكییه‌كانی ئه‌م گرووپانه به تایبه‌ت له ناوه‌ڕاست، رۆژهه‌ڵات و رۆژئاوای ئه‌فریقا ئاكامی زۆر مه‌ترسیداری لێ ده‌كه‌وێته‌وه.
به‌پێی راپۆرتی نه‌ته‌وه یه‌كگرتووه‌كان: مه‌زه‌نده ده‌كرێت سه‌رچاوه‌ی داهاتی رێكخراوی تیرۆریستیی داعش، 25- 50 ملیۆن دۆلار بێت.
