خشتەی دابەشکردنی مووچەی رۆژی یەکشەممە و دووشەممە راگەیەندرا

SNN

سەرچاوەیەکی باڵا لە وەزارەتی دارایی ئەمڕۆ شەممە، بە SNNی راگەیاند: کە رۆژی یەکشەممە مووچەی وەزارەتی خوێندنی باڵا هەروەها، دووشەممە وەزارەتی شارەوانی دابەشدەکرێت.

بەپێی زانیارییەکانی SNN، لە رۆژانی داهاتوودا واتا رۆژانی سێشەممە بەدوادا مووچەی سێ سەرۆکایەتییەکەی هەرێم دابەشدەکرێت و رۆژانی چوارشەممە و پێنجشەممە مووچەی خانەنشینی سەربازی و خانەنشینی مەدەنی دابەشدەکرێت، بەمەش کۆتایی بە دابەشکردنی مووچەی مانگی 1ی فەرمانبەران دێت.