ژنە مەترسیدارەکەی داعش دواجار دان بە تاوانەکەیدا دەنێت
SNN
ئەلیسۆن فلۆک ئەکێرن، خەڵکی ویلایەتی تێنسی ئەمریکایە و لە ناو داعشدا بە دایکی محەمەد ئەمریکی ناسرابوو، دواجار دانی بە چەند تاوانێکیدا و ئاشکرای کرد کە دامەزرێنەر و راهێنەری یەکەی سەربازی تایبەت بە ژنان بووە لە رێکخراوەکەدا.
ئەو ژنە ئەمریکییە کە پێش ئەوەی بچێتە ناو رێکخراوە تووندڕەوەکانەوە مامۆستا بووە، لە ساڵی 2011 بۆ ماوەیەک لە لیبیا بووە و دواتر چووەتە سووریا.
ئەلیسۆن ئاشکرای کردووە کە راهێنانی بەکارهێنانی چەک و پشتێنی خۆکوژی بە سەدان ژن کردووە و پلانیشی هەبووە کە لە دوای گەڕانەوەی بۆ ئەمریکا زانکۆیەک و مۆڵێک بکاتە ئامانج.
لەئەگەری ساغبوونەوەی تۆمەتەکان بەسەریدا پێدەچێت زیاتر لە 20 ساڵ زیندانی بکرێت و مانگی 10ی ئەمساڵیش دادگا کۆتا بڕیار لەوبارەوە دەدات.
بنەماڵەی ئەلیسۆن خۆیان لێبێبەری کردووە و بۆ ئەوەی بە فەرمیش رێگریی لێبکرێت چاوی بە منداڵەکانی بکەوێت داواکارییان پێشکەش بە دادگا کردووە.
