لیژنهى لێكۆڵینهوه لهسهر رووداوهكهى ناو دادگاى سلێمانى پێكهێنرا
ئهنجوومهنى دادوهرى ههرێم | فۆتۆ: SNN
SNN
ئهنجوومهنى دادوهرى ههرێم روونكردنهوهیهكى لهبارهى رووداوى ئهنجامدانى تووندوتیژى بهرامبهر كهسوكارى تاوانلێكراو تارقى بهقاڵ له سلێمانى بڵاوكردهوه و رایگهیاند، “لیژنهیهكى لێكۆڵینهوه پێكدههێنین”
له روونكردنهوهكهدا كه ئهمڕۆ 14ى حوزهیران بڵاوكراوهتهوه هاتووه، ” وێڕای دهربڕینی نیگهرانی خۆمان سهبارهت بهو رووداوه ناخۆش و نهخوازراوه، بڕیارماندا به پێكهێنانی لێژنهیهك بۆ لێكۆڵینهوه له چۆنیهتی دروستبوونی رووداوهكه و دهركهوتنی راستیهكان”.
دەقی روونکردنەوەکە
روونكردنهوهیهك له ئهنجومهنی دادوهری ههرێمی كوردستانهوه
له رۆژی 13ى حوزهیران، لهناو دادگای سلێمانی رووداوێكی هێرشكردنه سهر چهند ئافرهتێك لهلایهن هێزه ئهمنیهكان روویدا، وێڕای دهربڕینی نیگهرانی خۆمان سهبارهت بهو رووداوه ناخۆش و نهخوازراوه، بڕیارماندا به پێكهێنانی لێژنهیهك بۆ لێكۆڵینهوه له چۆنیهتی دروستبوونی رووداوهكه و دهركهوتنی راستیهكان و دوای تهواوبوونی لێكۆڵینهوه، ئهنجامهكان بۆ رای گشتی رادهگهیهنین.
