“كاتى وهبهرهێنانه لهبوارى ژینگه نهوهك بینا”
عهبدولڕهحمان سهدیق، سهرۆكى دهستهى ژینگهى حكومهتى ههرێمى كوردستان | فۆتۆ: SNN
SNN
سهرۆكى دهستهى ژینگهى حكومهتى ههرێمى كوردستان رایدهگهیهنێت، 40٪ى خاكى عێراق دهبێته بیابان و دهشڵێت: “كاتى وهبهرهێنانه لهبوارى ژینگه نهوهك بینا”.
ئهمڕۆ دووشهممه 20ى حوزهیران، عهبدولڕهحمان سهدیق، سهرۆكى دهستهى ژینگهى حكومهتى ههرێمى كوردستان له كۆنگرهیهكى رۆژنامهوانیدا رایگهیاند، “بهداخهوه مهترسى ژینگهیی جددى رووى له ههرێمى كوردستان و عێراق كردووه له چهند ساڵى داهاتوودا 30٪ بۆ 40٪ى خاكى عێراق دهبێته بیابان”.
وتیشى: “ئێستا كات كاتى ئهوهیه وهبهرهێنان بهبوارى ژینگهدا بكهین نهوهك له بوارى بیناسازى”.
لهبارهى ئهو ناوچانهى كه مهترسى ژینگهییان لهسهره سهرۆكى دهستهى ژینگهى ههرێم ئهوهشى خستهڕوو، “ههولێر، ئاكرێ و گهرمیان لهو ناوچانهى ههرێمن كه مهترسى وشكهساڵییان لهسهره”.
به وتهى سهرۆكى دهستهى ژینگهى ههرێم، “سهرجهم پرۆژهكانى نیشتهجێبوون ناچاركراون كه 25٪ى پرۆژهكان بكهنه سهوزایی لهپێناو پاراستنى ژینگه و ههوڵیشدراوه دهرچووانى بهشى ژینگه بخرێنه سهركار”.
