نرخى مریشك دابهزى بۆ 4 ههزار دینار
كێڵگهیهكى پهلهوهرى له ههرێمى كوردستان | فۆتۆ: SNN
SNN
بەڕێوەبەری چاودێری بازرگانیی سلێمانی رایدهگهیهنێت، نرخى مریشك بهشێوهیهكى بهرچاو ههرزانبووه و دهشڵێت: “ههناردهكردنى مریشك بۆ خواروو ناوهڕاستى عێراق راگیراوه”.
ئهمڕۆ دووشهممه سۆران عەبدولغەفور، بەڕێوەبەری چاودێری بازرگانیی سلێمانی له نوێترین لێدوانى رۆژنامهوانیدا رایگهیاند، “بههۆى ئهوهى له رۆژى 10ى حوزهیرانهوه به بڕیارى لیژنەی باڵای بەربووم ههناردهكردنى مریشك بۆ خوارو و ناوهڕاستى عێراق راگیراوه نرخى مریشك له بازاڕهكانى ناوخۆ بهشێوهیهكى بهرچاو دابهزیووه”.
وتیشى: “نرخى یهك كیلۆ مریشكى زیندوو له بازاڕهكاندا له 5 ههزار دینارهوه دابهزیووه بۆ 4 ههزار و 100 دینار و له ههندێك شوێنیش نرخى كیلۆیهك مریشك تهنیا 4 ههزاره”.
به وتهى بەڕێوەبەری چاودێری و بازرگانیی سلێمانی، “له رۆژانى داهاتوودا نرخى مریشك دابهزینى زیاتر بهخۆیهوه دهبینێت”.
له ماوهى رابردوودا نرخى مریشك له بازاڕهكانى ههرێمى كوردستان بهشێوهیهكى بهرچاو بهرزبووه ، بهشێوهیهك نرخى یهك كیلۆ مریشك له 3 ههزار و 500 دینارهوه گهیشته 5 ههزار.
