لە پارێزگایەکی عێراق ژنێک ویستی دڵی هاوسەرەکەی دەربهێنێت لەکاتـــی خــــەوتندا
دەستگیرکردن ژن
SNN
درەنگانی دوێنێ شەممە، سەرچاوەیەکی پزیشکی لە پارێزگای نەجەفی عێراق رایگەیاند: کە بریندارێکیان هاتووەتە لا کە چەند چەقۆیەک بە دەوری سنگییەوە بووە بەڵام گیانی لەدەست نەداوە.
پۆلیسی پارێزگاکە دوای ئەم رووداوە رایگەیاند: پیاوێک رەوانەی نەخۆشخانەی فریاکەوتنی نەجەف دەکرێت، دوای لێکۆڵینەوە دەرکەوتووە کە ئەو ژن و مێردە کێشە و دەمەبۆڵەیان بووە و ژنکەش ویستوویەتی لەکاتی خەوتنی هاوسەرەکەیدا وەک تۆڵەکردنەوەیەک دڵی بە چەقۆ دەربهێنێت بەڵام بەهۆی بەرگریکردنی هاوسەرەکەیەوە نەیتوانیوە و شکستی هێناوە.
پۆلیس ئاماژەی بەوەشکردووە، لەکاتی ئێستادا ژنەکە بە تۆمەتی هەوڵدان بۆ کوشتن دەستگیرکراواو بەم زوانە رەوانەی دادگای تاوانەکانی نەجەف دەکرێت.
