ئیمارات بەنیازە رۆژەکانی دەوام لە هەفتەیەکدا بکاتە چوار رۆژ
SNN
حکومەتی میرنشینی ئیمارات دوای کۆبوونەوەی لەگەڵ بەڕێوەبەر و بەرپرسی فەرمانگەکانی وڵات لە راگەیەندراوێکدا ئاماژەیان بەوەکرد، کە دوای کۆبوونەوە و لێکۆڵینەوەی ورد بۆمان ئاشکرابووە کە دەوامی فەرمانبەران بکەینە چوار رۆژ لە هەفتەیەکدا و ئەنجامدانی ئەو کارەش چەند سودێکی جیاوازی بۆ وڵات دەبێت.
ئاماژەی بەوەشکردووە کە سودەکانی بوونی دەوامی فەرمانبەران بۆ چوار رۆژ خۆی لە چەند خاڵێکدا دەبینێتەوە کە بریتییەوە لەوەی، حکومەت بەرهەمی باشتر دەبێت چونکە فەرمانبەر کەمتر ماندوودەبێت، حکومەت پارە کەمتر خەرج دەکات، قەرەباڵخی شەقامەکان و زیانەکانی دووەم ئۆکسیدی کاربۆن کەمتر دەبێتەوە، رووداوەکانی هاتووچۆ کەمتر دەبێتەوە.
