ئه‌نجوومه‌نى دادوه‌رى عێراق ره‌تیكرده‌وه په‌رله‌مان هه‌ڵبوه‌شێنێته‌وه
ئه‌نجوومه‌نى دادوه‌رى عێراق | فۆتۆ: MEO
SNN
ئه‌نجوومه‌نى دادوه‌رى عێراق له به‌یاننامه‌یه‌كدا رایده‌گه‌یه‌نێت، ده‌سه‌ڵاتى هه‌ڵوه‌شاندنه‌وه‌ى په‌رله‌مانیان نییه.
ئه‌مڕۆ یه‌كشه‌ممه 14ى ئاب، ئه‌نجوومه‌نى دادوه‌رى عێراق له به‌یاننامه‌یه‌كدا رایگه‌یاند، “به‌پێى ده‌ستوور ئێمه به‌هیچ شێوه‌یه‌ك ماف و ده‌سه‌ڵاتى هه‌ڵوه‌شاندنه‌وه په‌رله‌مانمان نییه”.
له به‌یاننامه‌كه‌دا ئه‌نجوومه‌نى دادوه‌رى عێراق ئه‌وه‌شى خستووه‌ته‌ڕوو، “داواكارین دادگا تێكه‌ڵ به ململانێ سیاسییه‌كان نه‌كرێت، چونكه ئێمه به هه‌مان دوورى له‌گه‌ڵ سه‌رجه‌م لایه‌نه سیاسییه‌كان وه‌ستاوین”.
ئه‌نجوومه‌نى دادوه‌رى ئاماژه‌ى به‌وه‌شكردووه، “ئێمه ده‌سه‌ڵات له دامه‌زراوه‌كانى یاسادانان وه‌رده‌گرین و مافى ئه‌وه‌مان نییه په‌رله‌مانى گه‌ل هه‌ڵبوه‌شێنینه‌وه”.
به‌یاننامه‌كه‌ى ئه‌نجوومه‌نى دادوه‌رى عێراق له‌كاتێكدایه كه موقته‌دا سه‌در، رێبه‌رى ره‌وتى سه‌در له دوو رۆژى رابردوودا ته‌نیا یه‌ك هه‌فته مۆڵه‌تى دیاریكرد بۆ هه‌ڵوه‌شاندنه‌وه‌ى په‌رله‌مانى عێراق.
