تائێستا لە خۆپیشاندانەکانی ئێران 32 کەس گیانیان لە دەست داوە

SNN

ماوەی چەند رۆژێکە، خۆپیشاندان و نارەزاییەکان بەرامبەر گیانلەدەستدانی ژینا ئەمینی فراواتر بوە و زیاتر لە 80 شاری ئێران و رۆژھەڵاتی کوردستانی گرتووەتەوە، لە خۆپیشاندانەکانیشدا 32کەس گیانیان لە دەستداوە کە 16یان خەڵکی رۆژھەڵاتن.

شەوی رابردوو لە خۆپیشاندانەکانی شاری کرماشان (مینوو مەجید) ژنە چالاکوانی رۆژھەڵاتی کوردستان گیانی لەدەستدا و لە شارەکانی ئەنزەلی و سنە و مەریوانیش شەڕ و رووبەرووبونەوە لە نێوان خۆپیشاندەران و ھێزە ئەمنییەکانی ئێران روویدا و لە 85 شاریش بەردەوام خۆپیشاندان و ناڕەزایی دەربڕین ھەیە.

ماوەی حەوت رۆژە خۆپیشاندان و ناڕەزایی لە شارەکانی ئێران و رۆژھەڵات و وڵاتانی ئەوروپا و چەند وڵاتێکی تر بەردەوامە و لەسەر ئاستی نێودەوڵەتیش کاردانەوەی فراوانی سیاسی بەدوای خۆیدا ھێناوە. بەپێی دوایین ئاماریش، 32 خۆپیشاندەر کوژراون و زیاتر لە 750ی تر برینداران، ھاوکات سێ ئەندامی ھێزە ئەمنییەکان بە چەقۆ کوژراون.