وەزارەتی دارایی بڕیارێکی نوێی دەرکرد

SNN-
وەزارەتی دارایی و ئابوری حکومەتی هەرێمی کوردستان بڕیاریدا بۆ لەمەودوا نووسراوى کاغەز بۆ خەرجى وەزارەتەکان نەمێنێت و بکرێتە ئەلیکترۆنی.

لە نووسراوێکدا کە واژۆی ئاوات شێخ جەناب، وەزیری دارایی و ئابوری حکومەتی هەرێمی کوردستانی لەسەرە و ئاڕاستەی گشت وەزارەتەکان و فەرمانگەکانی نەبەسترا و بە وەزارەت کراوە داواکراوە کە لەمەودوا نووسراوى کاغەز بۆ خەرجى وەزارەتەکان نامێنێت و دەکرێتە ئەلیکترۆنی.

لە نووسراوەکەدا هاتووە، کە داواکاری خەرجی تەنها بە شێوەی ئەلیکترۆنی لەسەر سیستەمی (KFMS) پێشکەشی وەزارەتی دارایی و ئابوری بەڕێوەبەرایەتی گشتی ژمێریاری وئابوری دەکرێت و پێویست ناکات هیچ کاغەزێک لەلایەن دیوانی وەزارەتەکان بۆ بەڕێوەبەرایەتی گشتی ژمێریاری وەزارەتی دارایی بنێردرێت.

وەزارەتەکە ئاماژەی بەوەشکردووە، ئەم گشتاندنە لە رۆژی دەرچوونییەوە واتا 12ی تشرینی یەکەمی 2022 جێبەجێ دەکرێت.