دابەشکردنی مووچە گۆڕانکاری بەسەردا دێت

SNN-

سەرۆكی فەرمانگەی هەماهەنگی و بەدواداچوون لە ئەنجومەنی وەزیرانی هەرێمی كوردستان رایگەیاند، دابەشكردنی مووچەی فەرمانبەرانی هەرێم دەكرێت بە ئەلیكترۆنی، هەر فەرمانبەرێك كۆدی بێ هاوتای خۆی دەبێت بۆ مووچە و مووچەكە تەنیا بەو خاوەن كۆدە دەدرێت.

عەبدولحەکیم خەسرەو، رایگەیاندووە، لەم قۆناغەدا كار بۆ بەئەلیكترۆنیكردنی مووچەی فەرمانبەران دەكرێت، ئێستا مووچەی پێشمەرگە بە ئەلیكترۆنی كراوە و بۆ فەرمانبەرانیش هەنگاوەكان لە كۆتاییدان.

راشیگەیاندووە:” لەم كابینەیەدا دوو مووچەییمان نەهێشت، لەكاتێكدا لە عێراق ئەو دیاردەیه زۆرە و بەهەدەردانی زۆری پارە هەیە، لە ڕاپۆرتی دیوانی چاودێریی دارایی عێراق دووپات لە ژمارە دروستەكانی فەرمانبەران و مووچەخۆرانی هەرێمی كوردستان كراوەتەوە و لەوێش هاتووە، كە هەرێمی كوردستان 682 هەزار فەرمانبەری هەیە، جگە لە مووچە و مینحەی خانەنشینان و كەسوكاری شەهیدان و مووچەی خاوەن پێداویستییە تایبەتەتەكان”.