زیاتر لە 17 هەزار خێزان نەوتیان وەرگرتووە
دابەشکردنی نەوتی سپی
SNN
فەلاح مەولود ئیسماعیل، بەڕێوەبەری گشتی وەبەرهێنانی كانزایی لە لێدوانێكدا بۆ میدیای فهرمی حكومهت رایگهیاند، “دەست بە دابەشكردنی نەوتی سپی كراوە و تا ئێستا لە پارێزگای هەولێر چوار ملیۆن و 488 هەزار و 310 لیتر و لە پارێزگای سلێمانی ههشت ملیۆن لیتر و لە پارێزگای دهۆک شهش ملیۆن و 646 هەزار و 174 لیتر و لە ئیدارەی سەربەخۆی گەرمیان 220 هەزار لیتر و لە ئیدارەی سەربەخۆی سۆران یەک ملیۆن و 213 هەزار و 200 لیتر نەوتی سپی بەسەر ماڵان دابەشكراوە”.
فەلاح مەولود وتیشی، “بڕە نەوتێکی زۆر لە کۆگاکانی بەڕێوەبەڕایەتی نەوت و کانزاکانی سلێمانی هەیە، هەر کاتێک لە ڕێگەی قائیمقامیەتەكانەوە داوا بکەن، نەوتەکەیان بۆیان دەنێردرێت، كه 284 هەزار دینار لەسەر حکومەت دەکەوێت و بە نرخی پاڵپشتیکراوی 100 هەزار دینار دەدرێتە هاوڵاتیان”.
بەپێی داتاکەی وەزارەتی سامانە سروشتییەکان، لە دهۆك 10 هەزار و 700 خێزان و لە گەرمیان هەزار و 100 خێزان و لە سۆران شهش هەزار و 66 خێزان، نەوتیان وەرگرتوە کە كۆی گشتی دەگاتە 17 هەزار 866 خێزان و بۆ هەر خێزانێكیش 200 لتر دابین كراوە.
