محەمەد بن سەلمان “پلانی داهاتوومان کڕینی زۆرترین یانەی ئەوروپییە”

SNN

ئەمیر عەبدولعەزیز تورکی بن فەیسەڵ، وەزیری وەرزش و لاوانی سعودییە رایگەیاند، کە محەمەد بن سەلمان شازادەی جێنشینی سعودییە، پلانی ساڵانی داهاتووی ئەوەیە کە پەرە بە بواری وەرزشی بدات و زۆرترین داهات لەو ڕێگەیەوە کۆبکاتەوە ئەویش بە کڕینی گەورە یانەکانی ئەوروپا.

وەزیری وەرزش و لاوانی سعودییە، ئاماژەی بەوەشکرد، کە محەمەد بن سەلمان، پلانی ئەوەی هەیە کە هەریەکە لە یانە گەورەکانی مانچستەر یونایتد و لیڤەرپووڵی ئینگلیزی و بەشێک لە یانەکانی ئیتاڵیا و ئیسپانیاش بکرێت، لە ڕێگەی کڕینی یاریزان و ئەستێرەکانی جیهانەوە دووبارە ئەو یانانە بەهێز بکاتەوە و بتوانێت لەو ڕێگەیەوە پارە بۆ وڵاتی سعودییە پەیدا بکاتەوە.

ئەمە لە کاتێکدایە کە ئەم بڕیارانەی محەمەد بن سەلمان دەنگدانەوەی گەورەی دەرەکی لێ کەوتەوە و ئاماژە بەوەکرا، کە پێویست ناکات وڵاتێکی وەک سعودییە ئەو هەموو پارەیە لە کڕینی یانەی وڵاتانی ئەوروپا خەرج بکات، بەشێکی دیکەش ئاماژە بەوە دەکەن کە محەمەد بن سەلمان بۆیە ئەو هەموو پارەیە لە ئەوروپادا خەرج دەکات، تا چاوپۆشی لێبکرێت لە کوشتنی رۆژنامەنوسی سعودی محەمەد خاشوکچی لە باڵیۆزخانەی سعودییە لە وڵاتی تورکیا.