وێنەی سێڵفی دەیان چەکداری داعش راپێچی دادگا دەکات

SNN

رۆژنامەیەکی بەریتانی ئاشکرای دەکات، داواکاری گشتی بەریتانیا وێنەی سێڵفی ئەو چەکدارانەی داعشی وەک بەڵگە وەرگرتووە، کە لە عێراق و سوریاوە گەڕاونەتەوە بەریتانیا.

رۆژنامەی گاردیانی بەریتانی نوسیویەتی: “بەشێک لە چەکدارە بەریتانییەکانی داعش وێنەی سێڵفییان لەگەڵ جەستەی ئەو کەسانە گرتووە کە لە عێراق و سوریا کوشتووانە و دواتر لە تۆڕە کۆمەڵایەتییەکان بڵاویانکردووەتەوە”.

ئەوەشی خستووەتەڕوو: داواکاری گشتی بەریتانیا ئەو وێنانە لە دژی تۆمەتبارەکان بەکاردەهێنێت و تۆمەتەکانی کۆمەڵکوژی و تاوانی جەنگیان رووبەڕوو دەکاتەوە.

یەکێک لەو تۆمەتبارانە، عەندولمەجید عەبدولبارییە کە لە وێنەیەكی سێڵفیدا سەرێكی بڕاوی بەدەستەوەیە و دوای ئەوەی لە سوریاوە گەڕاوەتەوە لە ئیسپانیا دەستگیركراوە و دواتر ڕادەستی بەریتانیا كراوەتەوە، لە ئێستاشدا

لەلایەن جێگری داواکاری گشتی بەریتانیاوە سکاڵا لە دژی ئاراستەکراوە.

بە گوێرەی گاردیان، لە كۆی 400 بەریتانی تەنها 40 كەسیان بۆ بەریتانیا گەڕاونەتەوە.