سهدرییهكان ههڵمهتێك لهدژى هاوڕهگهوخوازان بهڕێوهدهبهن
موقتهدا سهدر، رێبهرى رهوتى سهدر له عێراق | فۆتۆ: AFP
SNN
ئەمڕۆ هەینی لایەنگرانی موقتەدا سەدر ڕێبەری سەدرییەكان لە عێراق، هەڵمەتێكی بەرفرەوانی كۆكردنەوەیان ئیمزایان لە دژی هاوڕەگەزخوازی دەستپێكرد.
لەسەر داوایەكی موقتەدا سەدر رێبەری رەوتی سەدر، كە دوێنێ ئاراستەی لایەنگرانی كردبوو، ئەمڕۆ لە شاری كوفەی باشووری عێراق، هەڵمەتی كۆكردنەوەی ئیمزا لە دژی هاوڕەگەزخوازی دەستیپێكرد.
لایەنگرانی سەدر لە مزگەوتی كوفە دەستیان بە پڕكردنەوەی پەڕەی ئامادەكراو بۆ ئەو مەبەستە كردووە و لە كاتی نوێژی هەینیدا، ژمارەیەكی بەرچاوی ئیمزایان كۆكردووەتەوە.
دوێنێ پێنجشەممە موقتەدا سەدر هەڵمەتێكی كۆكردنەوەی یەك ملیۆن ئیمزای دەستپێكرد، لە دژی هاوڕەگەزخوازی لە عێراقدا و لە بەیاننامەیەكدا بڵاوی كردەوە كە بە هاوئاهەنگیكردن لەگەڵ نووسینگەكەیدا، لە كاتی نوێژی هەینی، وەك قۆناغی یەكەمی هەڵمەتەكە، دەست بە كۆكردنەوەی ئیمزا بكرێت.
