لە هەولێر خوێندكارانی بەشە ناوخۆییەكان دەستیان بە خۆپیشاندان کرد
SNN-عەلی حەمەسەعید
لەبەرامبەر نەبوونی خزمەتگوزارییەكانی وەك نەوت و سوتەمەنی و خەرجنەكردنی پارەی دەرماڵەی خوێندكاران، خوێندكارانی بەشە ناوخۆیی شەوكەت شێخ یەزدین لەشاری هەولێر دەستیان بە خۆپیشاندان كردوەو رێگای سەرەكی نێوان هەولێر كەركوك-یان داخستووە و هێزە ئەمنییەكانیش لەهەوڵی بڵاوەپێکردنن بە خوێندكاران.
ئاری دیاری، یەكێك لە خوێندكارانی بەشەناوخۆیی شەوكەت شێخ یەزدین لە شاری هەولێر بە SNNی ڕاگەیاند: بەهۆی نەبوونی خزمەتگوزارییەكانی وەك نەوت و سوتەمەنی و خەرجنەكردنی پارەی دەرماڵەی خوێندكاران لە ئێستادا زۆرینەی خوێندكارانی بەشە ناوخۆیی شەوكەت شێخ یەزدین دەستمان بە خۆپیشاندانكرد و لە ئێستادا رێگای سەرەكی نێوان هەولێر – كەركوك و بەپێچەوانەشەوە داخراووە.
ئاماژەی بەوەشكرد، هێزە ئەمنییەكان هاتوونەتە شوێنی خۆپیشاندانی خوێندكاران و لە هەوڵی بڵاوەپێكردن و كۆتایی هێنانن بە خۆپیشاندانەكان، هاوكات خوێندكاران داوای پێداچوونەوە بە دابینكردنی خزمەتگوزارییەكان و چاككردنی ئەو كەم و كوڕییانە دەكەن كە لەبەشە ناوخۆییەكەیاندا هەیە.
ئەو خوێندكارەی بەشە ناوخۆییەكانی شەوكەت شێخ یەزدین ئەوەشی خستەڕوو، چەند ڕۆژێكە لە بەشەناوخۆییەكان گرفتی نەبوونی نەوت و كەمی خواردن بۆ خوێندكاران دروستبووە و هاوكات داوای دەرماڵەش دەكەین بۆمان خەرجبكرێت.
