“رێژهى 90٪ى ژنان تووندوتیژیان بهرامبهر دهكرێت”
ئیڤان فایەق وەزیری کۆچ و کۆچنەرانی عێراق
SNN
وهزیرى كۆچ و كۆچبهرانى عێراق لهمیانى بهشداریكردنى له سیمپۆزیهمى رووبهڕووبوونهوهى تووندوتیژى دژى ژنان وتهیهیهكى پێشكهشكرد و وتى: “90%ی ئهو ژنانهى لێره دانیشتوون رووبهڕووى تووندوتیژى بوونهتهوه”.
ئیڤان فایهق جابرۆ، وهزیرى و كۆچ و كۆچبهرانى عێراق له وتهكهیدا ئاماژهى بهوهكرد، “تووندوتیژى بهرامبهر ههر رهچهڵهك و رهگهزێك بكرێت ههر تووندوتیژییه و جیاوازى نییه، بهڵام بهداخهوه له عێراق رۆژ به رۆژ رێژهكهى له بهرزبوونهوهى زیاتردایه”.
وتیشى: “90%ى ئهو ژنانهى كه لهم سیمپۆزیهمهدا دانیشتوون رووبهڕووى تووندوتیژى بوونهتهوه، جا چ دهروونى بێت یان خێزانى”.
وهزیرى كۆچ و كۆچبهرانى عێراق ئاماژهى بهوهشكرد، “وهك پاپا فرانسیس دهڵێت: له ههموو ئاینهكاندا گروپێك ههن كه لێبوورده نین و تووندوتیژى ئهنجام دهدهن، بۆ نمونه من مهسیحیم و دهیبینم كه ژنانى مهسیحى رۆژانه تووندوتیژیان بهرامبهر دهكرێت”.
لهبارهى رۆڵ و ئهركى وهزارهتهكهیهوه له كهمكردنهوهى تووندوتیژى دژى ژنان، ئیڤان فایهق باسى لهوهشكرد، “وهزارهتهكهى ئێمه ههرچهند كاریش بكات بهتهنیا ناتوانێت ههموو كارێك بكات، چونكه ههزاران ژن لهنێو كهمپهكان له ژینگهیهكى خراپدان و بۆ باشتركردنى دۆخیان پێویستمان به كۆمهك و هاوكارى نێودهوڵهتى ههیه”.
