کەشناسی هەرێم: ئەمڕۆ بەفر دەبارێت
SNN
بەشی پێشبينييەکانی کەشناسی هەرێم لە راگەيەندراوێکدا بڵاويکردەوە: ئەمڕۆ ئەگەری بارينی بەفر هەيە لە ناوچە شاخاویيە سنووریەکانی باکوور و باکووری خۆرهەڵاتی هەرێم.
بەشی پێشبينييەکانی کەشناسی هەرێم سەر بە وەزارەتی گواستنەوە و گەياندن رايگەياند: ئاسمان هەوری باراناوی دەبێت لە هەموو ناوچەکانی هەرێم کاریگەریەکەی لە ناوچەکانی سلێمانی و گەرمیان زیاتر دەبێت وە لە پارێزگای دهۆک و دەوروبەری ئاسمان هەوری تەواو دەبێت.
راشيگەياندووە: ئەگەری بارینی بەفرێکی کەم هەیە لە ناوچە شاخاویە سنووریەکانی باکوور و باکووری خۆرهەڵاتی هەرێم، پلەکانی گەرما نزم دەبێتەوە بە نزیکەی 2تا 4 پلە بە بەراورد لە تۆمارکراوی رۆژی پێشووتر.
ئاماژەی بەوەشکردووە: ئاسمان هەوری تەواو دەبێت لەگەڵ بارینی نمە باران لە زۆربەی ناوچەکاندا لە کاتەکانی ئێوارەدا کاریگەری کەم دەبێتەوە ئاسمان دەگۆرێت بۆ نیمچە هەور، پلەکانی گەرما نزیک دەبێتەوە لە تۆمارکراوی رۆژی پێشووتر.
