هێزەکانی دژەتيرۆر و هاوپەيمانان چەند مۆڵگەيەکی داعشيان خاپوور کرد

SNN

بەڕێوەبەرایەتی گشتی دژەتیرۆر – CTG لە راگەيەندراوێکدا بڵاويکردەوە: لە ئۆپراسيۆنێکی هاوبەشدا لەگەڵ هێزەکانی هاوپەيمانان لە سنووری قەزای حەويجە دەستگیرا بەسەر چەندین مۆڵگەی تیرۆریستانی داعش و پارچە چەکدا.

دەقی راگەيەندراوەکە:

بەڕێوەبەرایەتی گشتی دژەتیرۆر-CTG، بەهاوبەشی هێزەکانی هاوپەیمانان و دژەتیرۆری عێراق – ICTS ئۆپراسیۆنێکی بەرفراوانیان لە سنوری قەزای حەویجە ئەنجام دا و دەستگیرا بەسەر چەندین مۆڵگەی تیرۆریستانی داعش و پارچە چەکدا .

پاڵپشت بە زانیارییە هەواڵگرییەکان و بەدواداچوون و لێکۆڵینەوەی ورد لەسەر جموجۆڵی پاشماوەکانی تیرۆریستانی داعش لە سنوری قەزای حەویجە – کەرکوک

ئۆپراسیۆنی زەمینی و ئاسمانی هاوبەشی هێزەکانی دژەتیرۆر – CTG ، دژەتیرۆری عیراق – ICTS بە پاڵپشتی هێزەکانی هاوپەیمانان بۆ سەرمۆڵگەکانی داعش لەو ناوچە ئەنجام درا .

لەئۆپراسیۆنەکەدا توانرا دەستبگیرێت بەسەر چەندین حەشارگە و پارچە چەک و تەقەمەنیدا کە ئامادەکرابوون بۆ ئەنجامدانی کردەوەی تیرۆریستی .

هەر لە ئۆپراسیۆنەکەدا چەندین مۆڵگەی تیرۆریستان خاپورکران و پیلانەکانیان شکستپێهێنرا کە مەرامیان بوو چەندین کردەوەی تیرۆریستی لە سنووری کەرکوک و حەویجە و سەلاحەدین ئەنجام بدەن .