ئەمڕۆ پەرلەمانی عێراق کۆدەبێتەوە
SNN
ئەمرۆ چوارشەممە ئەنجومەنی نوێنەرانی عێراق کۆدەبێتەوە و خوێندنەوە و گفتوگۆ لەبارەی شەش پڕۆژە یاساوە دەکات.
ئەنجومەنی نوێنەرانی عێراق لە راگەيەندراوێکدا بڵآويکردەوە: سەعات یەکی دوانیوەرۆی ئەمڕۆ دووەم دانیشتنی وەرزی دووەمی یاسادانان ئەنجامدەدات و بە پێی بەرنامەی کاری کۆبوونەوەکە، لە بڕگەی یەکەم و دووەم ژمارەیەک پەرلەمانتار سوێندی یاسایی دەخۆن و دەنگ لەسەر ئەندامانی نوێی لیژنە ھەمیشەییەکان دەدرێت.
دواتریش، خوێندنەوە و گفتوگۆ لەبارەی شەش پڕۆژە یاسا دەکرێت کە دیارترینیان خوێندنەوەی دووەمە بۆ پڕۆژە یاسای بە ئەندامبوونی عێراق لە سیستمی لاھای بۆ یاسای نێودەوڵەتی تایبەت و خوێندنەوەی یەکەم بۆ پڕۆژە یاسای پەیمانگای ئامادەکردنی ئەفسەرانی پۆلیس.
