تورکیا 40 کۆچبەری نایاسایی دەستگیر دەکات
Migrants from Afghanistan arrive on a dinghy on a beach near the village of Skala Sikamias, after crossing part of the Aegean Sea from Turkey to the island of Lesbos, Greece, March 2, 2020. REUTERS/Alkis Konstantinidis
SNN-
گاردی کەناراوەکانی تورکیا ئەمڕۆ دووشەممە 25ی ئایار لەشاری جیناک قەڵا 40 کۆچبەریان دەستگیر کردەوە کە یۆنان ئامدیوی سنوورە ئاوییەکانی تورکیای کردبوونەوە.
بەپێی هەواڵێکی ئاژانسی هەواڵی ئانادۆڵ، دوای ئەوەی ئەو کەسانە ویستوویانە بگەنە دورگەی سامۆسریس، پاسەوانی کەناراوەکانی یۆنان بەریان گرتوون و رەوانەی سنووری تورکیایان کردوونەتەوە.
بەپێی هەواڵەکە، ئەو 40 کۆچبەرە بیانییە رەگەزنامەی ئەفغانستان و ئەفریقای ناوەڕاستیان پێبووە و 12 مناڵ و 12 ژنیشیان تێدا بووە.
هەفتەی رابردووش بەهەمانشێوە بەلەمێکی دیکەی کۆچبەران لە دەریای ئیجە لەلایەن کۆنترۆڵی ئاویی تورکیاوە دەستی بەسەردا گیرا کە کۆچبەری نایاسایی هەڵگرتبوو.
