سێ تۆمەتبار بە 200 ملیۆن دۆلارەوە دەستگیركران
دراوى 100 دۆلارى ئهمریكى | فۆتۆ: Dennis Hallinan / Alamy
SNN
وەزارەتی بەرگریی عێراق لە راگەیەندراوێكدا بڵاویكردەوە، سێ كەس كە هەوڵیاندابوو لە یەكێك لە نووسینگەكانی ئاڵوێری دراو لە ناوچەی كەڕادە-ی ناوەڕاستی بەغدا، بەپێچەوانەی رێنماییەكانی بانكی ناوەندیی، دۆلار بۆ دەرەوە حەواڵە بكەن، لەلایەن ھێزەكانی سەربە بەڕێوەبەرایەتی ھەواڵگریی و ئاسایش سەر بە وەزارەتی بەرگریی دەستگیركران.
لە راگەیەندراوەكەدا ئاماژە بەوەكراوە، لەكاتی دەستگیركردنی سێ تۆمەتبارەكەدا، دەستبەسەر بڕی 200 ملیۆن دۆلاردا گیرا، كە بەنیازبوون بەپێچەوانەی رێنماییەكانی بانكی ناوەندیی، رەوانەی دەرەوەی وڵاتی بكەن.
دەستگیركردنی ئەو تۆمەتبارانەن لەدوای دەرچوونی بڕیارێكی حكومەتی عێراق دێت بۆ رێگریكردن لە چوونە دەرەوەی دۆلار، كە یەكێك بووە لە هۆكارەكانی بەرزبوونەوەی نرخی دۆلار لەبەرامبەر دیناری عیراقی، كە لەچەند رۆژی رابردوودا نرخی 100 دۆلار گەیشتە 177 هەزار دینار.
