پهرلهمانتارێك سكاڵا لهسهر وهزارهتى شههیدان و ئهنفالكراوان تۆمار دهكات
كاروان گهزنهى، ئهندامى فراكسیۆنى سهوز له پهرلهمانى كوردستان | فۆتۆ: پهرلهمانى كوردستان
SNN – عەلی حەمە سەعید
ئهندامێكى پهرلهمانى كوردستان رایدهگهیهنێت، له ماوهى رابردوودا گرێبهستێكى لهنێوان رێكخراوێكى وههمى (خهیاڵى) و وهزارهتى شههیدان ئاشكرا كردووه، دهشڵێت: “وهزارهتى شههیدان تهشهیرى پێكردووه لهسهر ئهو كاره، لهبهر ئهوه سكاڵاى یاساییان لهسهر تۆمار دهكات”.
كاروان گەزنەیی، ئەندامی پەرلەمانی كوردستان لە فراكسیۆنی یەكێتی ئهمڕۆ ههینى 17ى شوبات، بە SNNی راگەیاند، “لەماوەی رابردوودا دۆسیەیەكمان جوڵاند كە تیایدا وەزارەتی كاروباری شەهیدان و ئەنفالكراوان گرێبەستێكی نایاسایی لەگەڵ رێكخراوێكی وەهمیدا كردووە لەسەر دۆسیەی جینۆسایدى كورد لهكوردستان. بهپێى بەدواداچونەكانمان ئەو رێكخراوە وەهمییە و له راستیدا هیچ رێكخراوێك بهو ناوه بوونى نییه”.
ئهو ئهندامهى پهرلهمانى كوردستان له بهشێكى ترى قسهكانیدا رهخنه له وهزارهتى شههیدان دهگرێت و تۆمهتباریان دهكات بهوه، “ناویان زڕاندووه”، و دهشڵێت: “لە بەرامبەر ئاشكرا كردنى ئهو گهندهڵییه، وەزارەتی كاروباری شەهیدان لە بری ئەوەی روونكردنەوە لەسەر رێكخراوەكە بدەن و بۆ رای گشتی روونبكەنەوە كه راستى بابهتهكه چییه؟! هاتوون روونكردنەوەیەكی پڕ لە تەشهیریان بەرامبەر من بڵاوكردوەتەوە، بۆیە منیش بە مافی خۆمى دهزانم لە داواكاری گشتی و دەستەی دەستپاكی سكاڵام لەسەر وەزارەتی كاروباری شەهیدان تۆمار بكەم”.
كاروان گهزنهیی باس لهوهشدهكات، “له ههوڵهكانى بهردهوام دهبێت بۆ راگرتنى ئهو گرێبهسته وههمیه”، و ئاماژه بهوهشدهكات، “ئێمە لە كارەكانمان بەردەوام دەبین و هیچ هەوڵێك كارمان تێناكان بۆ خستنەڕووی راستییەكان بەڕای گشتی ئەوەش لە پێناو راگرتنی ئەو گرێبەستە”.
به وتهى كاروان گهزنهیی، “له ئێستادا ئهو دۆسیهیه ئاراستهى داواكاری گشتی و دەستەی دەستپاكی كراوه”.
