بافڵ جەلال تاڵەبانی: بەتوندی كۆمەڵكوژییەكەی جێندرێس ئیدانە دەكەین
بافڵ تاڵەبانی
SNN
سەرۆکی یەکێتیی نیشتمانیی کوردستان وێڕای ئیدانەکردنی کۆمەڵکوژییەکەی جندرێسی رۆژئاوای کوردستان، داوای بە سزاگەیاندنی تۆمەتبارانی کرد.
بافڵ جەلال تاڵەبانی سەرۆکی یەکێتیی نیشتمانیی کوردستان لە پەیامێکدا رایگەیاند: “بەتوندی كۆمەڵكوژییەكەی جێندرێس و شەهیدكردنی چوار هاوزمانمان لە عەفرین ئیدانە دەكەین و پێویستە لایەنە پەیوەندیدارەكان بەزووترین كات تۆمەتباران رووبەڕووی دادگا بكەنەوە”.
راشیگەیاندووە: “ئێمەی كورد باوەڕی تەواومان بە ئاشتی و تەبایی نێوان گەلانە و هەموو توندوتیژی و تاوانێك دەرحەق بە هاونیشتمانیانمان لەژێر هەر ناوێكدا رەت دەكەینەوە”.
لە کۆتایی پەیامەکەی سەرۆک بافڵدا هاتووە: “پرسە و هاوخەمی قووڵی خۆمان ئاڕاستەی خانەوادەی قوربانییەكان دەكەین و هاوبەشی ئەم ماتەمە نیشتمانییەین”.
