پوتین پێشوازی لە دەستپێشخەرییەکەی چین دەکات لە بارەی شەڕی ئۆکرانیاوە

SNN

چین بەمەبەستی کۆتایی هێنان بە شەڕی ئۆکرانیا دەستپێشخەرییەکەی راگەیاندووە، ڤلادیمیر پوتین سەرۆکی رووسیاش پێشوازی لە دەستپێشخەرییەکە کرد .

پوتین لەو بارەوە رایگەیاند: دەکرێت پێشنیازەکانی چین بکرێنە بنەمای گفتوگۆانی ئاشتی لە نێوان مۆسکۆ و کیێڤ، بەو مەرجەی حکومەتی ئۆکرانیا و وڵاتانی رۆژئاوایی خواستێکی لەو جۆرەیان هەبێت.

پێشنیازەکەی چین لە 12 بڕگە پێکهاتووە و ئامانج لێی کەمکردنەوەی گرژییەکانی نێوانی رووسیا و ئۆکرانیا و دواجاریش راگەیاندنی ئاگربەست و کۆتاییهێنان بە شەڕی نێوان ئەو دوو وڵاتەیە.

ئەمریکا بە هۆی ئەوەی چین ئامادە نەبووە وەک لایەنی هێرشبەر ئیدانەی رووسیا بکات، دەستپێشخەرییەکەی رەتکردووەتەوە، هەرچی حکومەتی ئۆکرانیاشە وێڕای پێشوازی لە خستنەگەڕی ئەو هەوڵەی پەکین رایگەیاندووە: تەنیا ئامادەن لە سەر بنەمای پاراستنی یەکپارچەیی خاکی وڵاتەکەیان و چوونەدەرەوەی سەرجەم هێزەکانی رووسیا لە وڵاتەکەیان، گفتوگۆ لە گەڵ ئەو وڵاتە بکەن.