کەشناسی عێراق “شەپۆلی بارانی بەخوڕ بەردەوام دەبێت”
باران و لافاو
SNN
شەپۆلێکی بەھێزی باران بارین پارێزگاکانی ناوەڕاست و باشوری عێراقی گرتەوە. دەستەی کەشناسی عێراقیش دەڵێت، شەپۆلی بارانبارینەکە تا ئێوارەی دووشەممە بەردەوام دەبێت، بەڵام لە هەرێم تا سەرەتای رۆژی سێشەممە بەردەوامی دەبێت.
باران بارینەکە زیقار و نەجەف و بابل و دیوانیە و ئەنبار و واست و میسان و سەڵاحەدینی گرتووەتەوە و لە نەجەف لافاو دروست بووە و ئاستی ئاوی باراناو لە شەقامەکان بەرزبووەتەوەو ژمارەیەک ئۆتۆمبێل و دوکان و خانووەکان ژێرئاو کەوتوون و زیانی ماددی زۆری لێکەوتووەتەوە.
ھاوکات ئەمینداری گشتی ئەنجومەنی وەزیرانی عێراق لە راگەیەندراوێکدا بڵاویکردەوە، “محەمەد شیاع سودانی” سەرۆک وەزیرانی عێراق فەرمانی کردووە بە راگرتنی دەوام لەسەرجەم پارێزگاکان بەھۆی خراپی کەشوھەواوە، بێجگە لە دامەزراوە ئەمنی و خزمەتگوزارییەکان.
دەستەی کەشناسی عێراقیش بڵاویکردووەتەوە، شەپۆلی باران بارین تا ئێوارەی دووشەممە بەردەوام دەبێت و بارانەکە لەنێوان مامناوەند تا بەخۆڕ دەبێت.
