یهكهمین هاووڵاتى عێراقى له سودان كوژرا
وێنهى ئهو هاووڵاتییه عێراقیهى له سوودان كوژرا | Bagdadtoday
SNN
ئهمڕۆ یهكشهممه 23ى نیسان، هاووڵاتییهكى عێراقى لهئهنجامى شهڕ و ململانێكانى سودان كوژرا و بهپێى زانیاری میدیاكانیش قوربانیهكه خوشكهزاى وهزیرێكى رژێمهكهى سهدام حسێنه.
پاشنیوهڕۆى ئهمڕۆ ئهحمهد سهحاف، وتهبێژى وهزارهتى دهرهوهى عێراق له بهیاننامهیهكدا رایگهیاند، “بههۆى شهڕ و ناكۆكییهكانى سودان ئهمڕۆ هاووڵاتیهكى عێراقى لهو وڵاته كوژراوه”.
بهپێى ئهو زانیاریانهى كه میدیاكانى عێراق بڵاویانكردونهتهوه، “هاووڵاتیهكه ناوى محهمهد یاسین ڕهجە شاڵا-یه، كوڕهزاى مەیسەر ڕەجا ڕهجە، وەزیری پیشەسازی پێشووی ڕژێمی سەدام حوسێن و كچهزاى لیوا حەمید ڕەجە شاڵا، فهرماندهى هێزى ئاسمانى عێراقى سهردهمى رژێمى پێشووه”.
ماوهى نزیكهى مانگێكه شهڕ و پێكدادانى سهربازى وڵاتى سودانى گرتووهتهوه و بهو هۆیهوه دهیان كهس كوژراون.
