وهزارهتى بازرگانى نرخى وهرگرتنى گهنمى ئاشكرا كرد
پارچه زهوییهكى به گهنم داچێنراو له دهشتى بیتوێن | فۆتۆ: محەمەد مستەفا / SNN
SNN
وهزارهتى بازرگانى و پیشهسازى حكومهتى ههرێمى كوردستان ئاشكرایكرد، ئهمساڵ نرخى تهنێك گهنم به 850 ههزار دینار له جوتیاران وهردهگرن.
له راگهیهنراوێكدا وهزارهتى بازرگانى و پیشهسازى حكومهتى ههرێمى كوردستان ئاشكرایكردووه، “بڕیارە بۆ ئەمساڵ بە نرخی 850 هەزار دینار بۆ هەر تەنێک گەنم لە جوتیاران وەربگیرێت.”
له ههرێمى كوردستان وهرزى دوورینهوهى گهنم بهرهبهره نیزك دهبێتهوه، لهبهر ئهوه له ئێستاوه حكومهتى ههرێمى كوردستان ئامادهكارییهكانى دهستپێكردووه بۆ ئهوهى له سایلۆكان دهستبه وهرگرتنى گهنمى جوتیاران بكرێت.
ساڵى 2022 حسێن حەمەكەریم، وتەبێژی پێشووى وەزارەتی كشتوكاڵی حكومەتی هەرێمى كوردستان بەSNNی راگهیاند، “وهزارهتى كشتوكاڵ زیاتر له 250 هەزار تۆن گەنمى له جوتیاران وهرگرتووه”.
گهنم یهكێكه له پێداویستیه سهرهكییهكانى خۆراك له جیهاندا و پێشتر نەوزاد شێخ كامیل، بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم به SNNی راگهیاند، “بۆ پێداویستی ساڵێكی دانیشتووانی عێراق و هەرێمی كوردستان، دەبێت بڕی پێنج ملیۆن تۆن گەنم بكرێت بە ئارد”.
