پەرلەمانی عێراق “نەخوێندەواری لە عێراق 11 ملیۆنی تێپەڕاندووە”

SNN

لیژنەی پەروەردە لە پەرلەمانی عێراق دوێنێ یەکشەممە ئاشكرای كرد ڕێژەی نەخوێندەواری لە وڵاتەكەدا 11 ملیۆن كەسی تێپەڕاندووە و حكومەت پێویستی بە پلانێكی تۆكمە هەیە لە پێناو دابینكردنی قوتابخانە و كۆرسی خوێندن.

پەرلەمانتاری جەواد غەزالی جێگری سەرۆكی لیژنەی پەروەردە لە پەرلەمانی عێراق لە لێدوانێكی رۆژنامەوانیدا ئاماژەی بەوە داوە كە ئێستا زیاتر لە 11 مليۆن كەس لە عێراقدا نەخوێندەوارن، چاوەڕێش دەكرێ لە چەند ساڵی داهاتوودا، ئەم ڕێژەیە زۆر بەرزتر بێتەوە، ئەمەش بەهۆی دابڕانی ڕێژەیەكی زۆری منداڵان لە قوتابخانە و خراپبوونی باری ئابووری.

ئاماژەی بەوەشکرد، كە وەزارەتی پەروەردە بە لایەنی كەمەوە پێویستی بە بنیاتنانی هەزار قوتابخانەی نوێیە لە تەواوی پارێزگاكانی عێراق، بۆ دەستپێكردنی پرۆسەی نەهێشتنی نەخوێندەواری.