ههوڵى دوورخستنهوهى بهنگین رێكانى له پۆستهكهى دهدرێت
https://snnc.co/wp-content/uploads/2023/06/668393Image1.jpeg
SNN
پاش ئهوهى بهنگین رێكانى، وهزیرى ئاوهدانكردنهوهى عێراق لهمیانى بهشداریكردنى له بهرنامهیهكى تهلهفزیۆنیدا باسى له سهردهمى رژێمى رووخاوى بهعس كرد، قسهكانى ناڕهزایهتى دروستكرد و له ئێستادا ههوڵهكان بۆ دوورخستنهوهى له پۆستهكهى دهستیان پێكردووه.
لهو بارهیهوه جاسم موسهوى، ئهندامى ئهنجوومهنى نوێنهرانى عێراق له هاوپهیمانى دهوڵهتى یاسا دهڵێت: “ههركهس بهشێوهیهكى ئهرێنى باسى سهردهمى دهسهڵاتدارى رژێمى رووخاوى بهعس بكات، ئهوه خۆى لهو رۆژانهدا بهشێوهیهكى سهخت نهژیاوه”.
ههر لهو بارهیهوه محهمهد شهمهرى، ئهندامى ئهنجوومهنى نوێنهرانى عێراق له چوارچێوهى ههماههنگى ئاماژه بهوهدهكات، “تووشى شۆك بووین كه گوێمان له قسهكانى بوو لهبارهى رژێمى پێشوو و پێكهاتهى شیعه، بۆیه پێویسته لێپێچینهوهى لهگهڵ بكرێت”.
به وتهى، حازم ئیبراهیم، شرۆڤهكارى سیاسى، “پشتیوانیهكانى ئهردهن بۆ رژێمى بهعس و لێدوانهكان لێرهوه و لهوێ لهبارهى بهعس هۆكارێكى بۆ تێكدانى دیمهنى سیاسى له عێراق و بابهتێكى زۆر خراپه”.
پێگهى مهعلومهى عهرهبى لهبارهى ناڕهزایهتیهكان له قسهكانى بهگین رێكانى ئاشكراى كردووه، “بههۆى ئهم بابهتهوه ههوڵههیه كه لهڕێگهى محهمهد شیاع سودانى، سهرۆكوهزیرانى عێراق رێكانى له پۆستهكهى دووربخرێتهوه و لێپێچینهوهى لهگهڵ بكرێت.
