بەهەوڵی جێگری سەرۆكی حكومەت پرۆژەی گەشتوكاڵ سەرپێدەخرێت

SNN-عەلی حەمەسەعید

بە مەبەستی زیاتر گرنگیدان بە هەردوو بواری كشتوكاڵ و گەشتوگوزار، بە چاودێری قوباد تاڵەبانی جێگری سەرۆكی حكومەتی هەرێم، نوسینگەی جێگری سەرۆكوەزیران ئامادەكاری بۆ راگەیاندن و سەرپێخستنی پرۆژەی گەشتوكاڵ دەكات، ئەوەش لەچوارچێوەی گرنگیدانە بە بەبواری گەشتوگوزار و كشتوكاڵ و هەروەها هەوڵی رەخساندنی هەلی كاری زیاتر لەو دوو بوارەدا.

ژووان سابیر، بەڕ‌ێوەبەری نوسینگەی (قوباد تاڵەبانی) جێگری سەرۆكی حكومەتی هەرێم بە SNNی ڕاگەیاند: بەمەبەستی گرنگیدانی زیاتر بە بوارەكانی گەشتوگوزار و كشتوكاڵ بەچاودێری جێگری سەرۆكی حكومەتی هەرێم بەهەماهەنگی لەگەڵ نوێنەری تایبەتی ئاژانسی GIZی ئەڵمانی و راوێژكارانی پسپۆڕ لەو بوارەدا كۆبوونەوەی تایبەتمان ئەنجامداوە بۆ ئامادەكارییەكانی راگەیاندن و سەرپێخستنی پڕ‌ۆژەی گەشتوكاڵ لە هەرێمی كوردستان.

ئاماژەی بەوەشكرد، مەبەستمانە لەڕ‌ێی ئەم پڕ‌ۆژەیەوە، پەرە بەبواری گەشتوگوزار و كشتوكاڵ بدەین و هەوڵی رەخساندنی هەلی كاری زیاتر بدەین لە هەردوو بواری كشتوكاڵ و گەشتوگوزاردا

(گەشتوكاڵ) agro-turism وشەیەكی لێكدراوی گەشتوگوزار و كشتوكاڵە و پڕ‌ۆژەیەكی نوێیە كە بەمزوانە دەكەوێتە بواری جێبەجێ كردنەوە.