قۆناغێكى نوێ له ههڵمهتى چاندنى یهك ملیۆن نهمام
خزمهتكردنى نهمامهكانى ههڵمهتى یهك ملیۆن نهمام | فۆتۆ: SNN
SNN
لەچوارچێوەی پرۆژەی ئاشتکردنەوەی سلێمانی و بۆ زیادکردنی رووبەری سەوزایی، هەڵمەتی نیشتمانی ڕواندنی یەک ملیۆن نەمام لەسەر بڕیار و راسپاردەی بافڵ جەلال تاڵەبانی سەرۆکی یەکێتیی نیشتمانیی کوردستان لە قۆناغی پاراستن و خزمەتکردندایە.
لەوبارەیەوە، هاوکار جەلال بەڕێوەبەری دارستان و پاوانی سلێمانی رایگەیاند، “سلێمانی لەقۆناغی خۆگونجاندندایە لەگەڵ گۆڕانکارییە ژینگەییەکان و بەم دەستپێشخەرییەی سەرۆک بافڵ هەنگاوێکی گرنگی بەدیهات”.
بەڕێوەبەری دارستان و پاوانی سلێمانی وتیشی: “لەیەکێک لە پرۆژەکانی هەڵمەتەکەدا کە دارستانی ئەزمڕە توانیمان لەدووری حەوت سەد مەترەوە ئاو بگەیەنینە سەر شاخەکە تا زامنی ئاودانی نەمامەکان بکەین کەکلیلی سەرکەوتنی هەڵمەتەکەیە”.
بەڕێوەبەری دارستان و پاوانی سلێمانی ئهوهشى خستهڕوو، “پشتمان بە سستمێکی ئاودێری بەستووە کەخۆی دەبینێتەوە لەدانانی دوو عەمباری گەورەدا تا ئاوی پێویست بۆ نەمامەکان مسۆگەر بکات و بەئاسانی بگاتە هەموو نەمامێکی پڕۆژەی دارستانی ئەزمڕ”.
بەڕێوەبەری دارستان و پاوانی سلێمانی باسى لهوهشكرد، “لەچوارچێوەی ئەرکەکانماندا و وەک لایەنی جێبەجێکاری هەڵمەتەکە، لەشێوازی بەڕێوەچوونی کارەکانمان کۆڵییەوە وهەموو ئاماژەکانیش دەریدەخەن نەمامەکان لەگەشەیەکی زۆرباشدان، ئێستاش سەرباری ئاودان، بژار و بنکۆڵی نەمامەکان و نوێکردنەوەی هێڵەکانی ئاگربڕ بەڕێوەدەچێت”.
