کۆتا کاروانی حاجیانی هەرێمی کوردستان دەگەڕێنەوە

SNN-

ئەمڕۆ کۆتا کاروانی حاجیانی هەرێمی کوردستان لە رێگەی سێ فڕۆکەوە دەگەرێنەوە هەرێمی کوردستان بۆ هەولێر و سلێمانی.

دەستەى حەج و عومرەى هەرێمی کوردستان رایگەیاند، ئەمڕۆ هەینى، کۆتا کاروانى حاجییانى هەرێمى کوردستان لە سعودیەوە بە فڕۆکە دەگەرێنەوە کە 251 حاجی لە رێگەی فڕۆکەخانەی هەولێرەوە دەگەڕێنەوە و 496 حاجی لە رێگەی فڕۆکەخانەی نێودەوڵەتیی سلێمانییەوە بە دوو فڕۆکە دەگەڕێنەوە.

ئەمساڵ چوار هەزار و 685 کەس لە هەرێمی کوردستانەوە بۆ بەجێگەیاندنی فەریزەی حەج چوونە مەککە کە 690 حاجی بە رێگەی وشکانی چوونەتە سعودیە و ئەوانی دیکەش بە رێگەی ئاسمانی چوون.

بۆ ئەمساڵ نرخی حەج بە رێگەی ئاسمانی بە چوار هەزار و دۆلار500 دۆلار و بە وشکانیش بە سێ هەزار و 800 دۆلار دیاریکرابوو.