دانیشتنی پەرلەمانی عێراق بۆ رۆژی شەممە دواخرا

SNN

دانیشتنی ئەنجوومەنی نوێنەرانی عێراق بۆ دەنگدان لەسەر پڕۆژەیاسای بوودجەی گشتیی عێراق بۆ ساڵەکانی دارایی 2023-2024-2025 بۆ رۆژی شەممە ھەڵگیرا.

ئێوارەی 9 حوەزیرانی 2023، دانیشتنی ئەنجوومەنی نوێنەرانی عێراق بە سەرۆکایەتی سەرۆکی ئەنجوومەنی نوێنەران، محەمەد حەلبوسی بۆ تەواوکردنی دەنگدان لەسەر پرۆژەیاسای بوودجەی گشتیی فیدراڵیی بۆ ساڵانی 2023-2024-2025 ئەنجامدرا، لە کۆی 329 ئەندامی ئەنجوومەنی نوێنەران، 259یان ئامادەی دانیشتنەکە بوون.

لە کۆی 67 ماددەی پڕۆژەیاساکە، تیایدا ماددەکانی دوو، نۆ، 10 تا 24 پەسەندکران.

لە میانی دانیشتنەکەدا، دەنگدانی لەسەر ماددەکانی 14 تا 17ی نێو پرۆژەیاسای بوودجەی گشتیی بۆ کاتێکی دیکە دواخرا و ماددەی 22 لە پرۆژەیاساکە لادرا.