“ھەفتەی داھاتوو وەزارەتی دارایی رێنماییەکانی جێبەجێکردنی یاسای بودجە بڵاودەکاتەوە”
جەمال کۆچەر
SNN
د. جەمال کۆچەر، ئەندامی لیژنەی دارایی لە لێدوانێکی میدیایدا راگەیاند، بەپێی ئەو بەدواداچوونانەی کردوویانە بڕیارە ھەفتەی داھاتوو، وەزارەتی دارایی رێنماییەکانی جێبەجێکردنی یاسای بودجە بڵاوبکاتەوە، دوای ئەوەش یاسایی بودجە دەچێتە بواری جێبەجێکردنەوە.
سەبارەت بە چارەنووسی مووچەی مانگی شەشی فەرمانبەرانی ھەرێم ئاماژەی بۆ ئەوەکرد، ئەگەر پێش سەری مانگ بودجەکە جێبەجێبکرێت، ئەوا بەپێی یاساکە راستەوخۆ پشکی ھەرێم و مووچەی فەرمانبەران رەوانە دەکرێت، ئەگەرنا ئەوا دەبێت حکومەتی ھەرێم داوای قەرزی 400 ملیار دینار بکات و دواتر لە پشکی ھەرێم دەربکرێت.
د. جەمال کۆچەر وتیشی “ھۆکاری درنگ دەرکردنی رێنماییەکانی جێبەجێکردنی بودجە پەیوەندی بەو تانانەوە نییە کە لەچەند بڕگەیەکی یاسای بودجە دراوە.
