گۆڕینى لۆگۆى تویتهر 20 ملیار دۆلار زیانى به ئیلۆن مهسك گهیاند
ئیلۆن مهسك، خاوهنى تۆڕى كۆمهڵایهتى تویتهر | فۆتۆ: AL Monitor
SNN
دوێنێ دووشهممه لۆگۆى تۆڕى كۆمهڵایهتى تویتهر له باڵندهیهكى شینهوه گۆڕا بۆ ئێكسێكى رهش و سپى، شارهزایانى بوارى ئابورییش دهڵێن: “بههۆى ئهو گۆڕانكاییهوه ئیلۆن مهسك بڕى 20 ملیار دۆلار زیان دهكات”.
ئهمڕۆ سێشهممه 25ى تهمموز، ستیڤ سوسى، بهڕێوهبهرى پهیوهندییهكانى كۆمپانیاى سیگڵ گهیڵ كه تایبهته به ستراتیژى براندین به پێگهى ئهلمۆنیتۆرى راگهیاند، “چهسپاندنى ناو و ناوبانگى تویتهر ماوهى 15 ساڵى خایان، بۆیه گۆڕینى لۆگۆكهى به دڵنیاییهوه زیانى دارایی گهوره به براندهكه دهگهیهنێت، ئهم زیانهش لهنێوان 4 بۆ 20 ملیار دۆلاردایه”.
پێگهكه ئهوهشى ئاشكرا كردووه، “له ئێستادا زۆرێك له برانده جیهانیهكان دوودڵن لهوهى كه ریكلامهكانیان و وهبهرهێنانه دیجیتاڵیهكانیان له تویتهردا بكهن، چونكه لۆكۆگهى گۆڕاوه و ئهكرێت ژمارهیهكى زۆر بهكارهێنهر لهدهستبدات یان خودى تۆڕهكه بهرهو ناچالاكى بڕوات”.
هاوكات له ئێستادا “هاشتاگى “باى تویتهر” لهلایهن رهخنهگرانى لۆگۆ نوێیهكهوه لهو تۆڕه بهشێوهیهكى فراوان بهكاردههێنرێت، وهك ئاماژهیهك بۆ ئهوهى كه كاتى ماڵئاوایی له تویتهر هاتووه.
ئیلۆن مهسك كه خاوهنى بیرۆكهكهیه له وڵامى تویتێكدا كه داواى ئهوهى كردبوو لهبرى تویتهر و تویت ئیتر ئهبێت چ وشهیهك بهكاربهێنرێت؟ نووسویهتى، “دهڵێین: ئێكس و ئێكسیس”.
