ئێران دەیەوێت بەشێوەیەکی جیاواز لەعێراق دەربکەوێتەوە
In this June 30, 2018 photo, released by an official website of the office of the Iranian supreme leader, Gen. Qassem Soleimani, center, who heads the elite Quds Force of Iran's Revolutionary Guard attends a graduation ceremony of a group of the guard's officers in Tehran, Iran. Soleimani said Thursday his forces are ready if President Donald Trump follows through on his warning that Iran will "suffer consequences" if Tehran threatens the United States. (Office of the Iranian Supreme Leader via AP)
SNN-
دوای کوژرانی قاسم سلێمانی فەرماندەی سوپای قودسی ئێران، هەوڵی دبلۆماتی هەیە لەپشت پەردەوە تا ئێران چاو بە سیاسەتەکانی خۆیدا بخشێنێتەوە و دەیەوێت بەشێوەیەکی جیاواز لەعێراق دەربکەوێتەوە.
ئاژانسی هەواڵی رۆیتەرز لەڕاپۆرتێکیدا ئاماژەی بەوەداوە ئامانجی تاران ئەوەی بەستەڵەکی سیاسی خۆی لەعێراق بشکێنێت و پڕۆسەی چۆڵکردنی عێراق لەلایەن هێزەکانی ئەمریکاوە خێراتر بکرێت کە ژمارەیان 5 هەزار سەربازە.
بەرپرسێکی باڵای ئێران قسەی بۆ رۆیتەرز کردووە و دەڵێت: “هەندێکجار بۆ ئەوەی پلانەکانت سەر بگرن، پێویستە هەنگاوێک بەرەو دواوە بێیت”.
وتیشی: “ئێمە دەمانەوێت ئەمریکا عێراق جێبێڵێت، بۆیە بوونی پشێویی دەکاتە بیانوو ناڕوات، لەبەرئەوە دەبێت عێراق سەقامگیر بێت”.
بەپێی سەرچاوەکانی راپۆرتەکە، پەرپرسانی ئێران بەمدواییانە لەگەڵ بەرهەم ساڵح کۆبوونەتەوە و فشاریان کردووە تا ئەو بەستەڵەکە سیاسییەی دوای کوژرانی قاسم سلێمانی هاتۆتە ئاراوە بتوێتەوە”.
راپۆرتەکە ئاشکرایکردووە کە بەرهەم ساڵح سەرۆککۆماری عێراق رەتیکردۆتەوە پاڵێوراوانی حیزبەکانی پەنای ئێران بچنە شوێنەکەی عەبدولمەهدی بەهۆی ئەوەی دژی کورد و سووننە بووە ستراتیژیان.
راپۆرتەکەی رۆیتەرز ئاشکرایکردووە کە لەمانگی ئازاری رابردوو عەلی شەمخانی ئەمینداری ئەنجومەنی ئاسایشی نەتەوەیی ئێران سەردانی سەرۆککۆماری عێراقی کردووە و وتوێتی: “رێز لە سەروەریی عێراق دەگرین و پەیوەندیمان نییە پێتانەوە کێ دیاریدەکەن بۆ سەرۆکوەزیرانی عێراق”.
لەڕاپۆرتەکەدا هاتووە کە دوای پێدانی متمانە بە مستەفا کازمی، ئیرەج مەسجدی باڵیۆزی ئێران لەعێراق حیزبەکانی شیعەی هانداوە پشتیوانی حکومەتی نوێی عێراق بن و نەبنەهۆی پشێویی.
بەپێی دەرهاویشتەی نووسەری راپۆرتەکە، لەئێستادا ئێران دەیەوێت ململانێ سەربازی و چەکدارییەکانی لەگەڵ ئەمریکا رابگرێت گەر بەشێوەیەکی کاتیش بێت، تا تاران خۆی رێکبخاتەوە لەبەرگێکی نوێدا.
