کەشناسی: ئەگەر بەرزبوونەوەی تۆز و خۆڵ و زیادبوونی خێرایی با هەیە

SNN-

بەرێوەبەرایەتی گشتی کەشناسی و بوومەلەرزەزانی حکومەتی هەرێمی کوردستان بڵاویکردووەتەوە کە ئەگەری بەرزبونەوەی تۆز و خۆڵ و زیادبونی خێرایی با هەیە و پلەكانی گەرماش بەرزدەبنەوە.

لە راگەیەندراوێکدا بەڕێوەبەرایەتییەکە کەشوهەوای 48 کاتژمێری داهاتووی بڵاوکردووەتەوە و بەگوێرەی پێشبینییەکان ئەمڕۆ چوارشەممە 2ی ئابی 2023، ئاسمان ساماڵ دەبێت، لەگەڵ بەرزبوونەوەی تۆزو خۆڵ وە زیادبوونی خێرایی با لە کاتەکانی ئێوارە لە ناوچەکانی باشوری هەرێم و هەروەها پلەکانى گەرماش کەمێک بەرز دەبێتەوە بەراوورد بەتۆمارکراوەکانى دوێنێ .

هەروەها سبەی پێنجشەممە 3ی ئابی 2023، ئاسمان ساماڵ دەبێت و پلەکانی گەرماش کەمێک نزم دەبنەوە لە تۆمارکراوەکانى ئەمڕۆ بە (1-2) پلە.

بەرزترین پلەکانی گەرمای پێشبینیکراو بە پلەی سیلیزی :
هەولێر: 42 پلەى سیلیزى
سلێمانی : 40 پلەى سیلیزى
دهۆک : 41 پلەى سیلیزى
کەرکوک : 44 پلەى سیلیزى
هەڵەبجە : 43 پلەى سیلیزى
حاجی ئۆمەران: 31 پلەى سیلیزى
زاخۆ : 42 پلەى سیلیزى
سۆران: 40 پلەى سیلیزى
گەرمیان : 47 پلەى سیلیزى