سزای سێ ساڵ زیندانیکردن بۆ عمران خان دەرچوو

SNN

کەناڵە تەلەفزیۆنییە ناوخۆییەکان لە پاکستان ئەمڕۆ شەممە رایانگەیاند، دادگایەکی پاکستان سزای سێ ساڵ زیندانی بەسەر عمران خان، سەرۆک وەزیرانی پێشووی پاکستاندا سەپاندووە، دادگاییکردنەکە پەیوەستە بە لێکۆڵینەوەیەکی کۆمسیۆنی هەڵبژاردنەکانەوە کە خانیان بە فرۆشتنی نایاسایی دیاری حکومەت لە ماوەی بەڕێوەبردنی پۆستی سەرۆکوەزیران لە نێوان ساڵانی 2018 بۆ 2022 تۆمەتبار کرد.

ئاماژە بەوەشکراوە، سزادانی ئەو دۆسیەیە، ئەگەری ئەوە هەیە چانسی بەشداریکردنی خان لە هەڵبژاردنە نیشتمانییەکاندا کۆتایی پێبێنێت، کە دەبێت پێش سەرەتای مانگی (تشرینی دووەم/11)ی ئەمساڵ ئەنجامبدرێت.