بانكێك پێدانى 25 ملیۆن دینار پێشینهى راگهیاند
دراوى 25 ههزار دینارى عێراق
SNN
ئهمڕۆ یهكشهممه 6ى ئاب، بانكى رافیدهین پێدانى 25 ملیۆن دینار پێشینهى بۆ پرۆژهى بچووك راگهیاند.
له بهیاننامهیهكدا كه كهمێك لهمهوبهر بڵاویكردووهتهوه بانكى رافیدهین ئاماژهى بهوهكردووه، “بڕیاریانداوه به پێدانى 25 ملیۆن دینار پێشینه وهك قهرزى پرۆژهى بچووك به خاوهن دوكان، پیشهوهران، بازرگانانى بچووك، خانهنشینان و خاوهن پرۆژهى بچووك”.
له بارهى كاتى وهرگرتنهوهى قهرزهكه بانكى رافیدهین له بهیاننامهكهیدا ئاشكرا كردووه، “پێویسته پێشینهكه لهماوهى شهش ساڵدا بدرێتهوه و سێ مانگى سهرهتاش ئهو كهسهى پێشینهكه وهردهگرێت نایداتهوه و دواى سێ مانگ دهستبه دانهوهى دهكات”.
بهپێى بهیاننامهى بانكهكه، “خوازیارى وهرگرتنى پێشینهكه پێویسته دهستبهرێكى ههبێت كه مووچهخۆرى حكومهت جا چ فهرمانبهرانى مهدهنى بێت یان سهربازى بۆ ئهوهى پێشینهكه وهربگرێت و بهڵێنیشبدات به دانهوهى پێشینهكه و زیادهكهى سهرى كه 6٪ه”.
بانكى رافیدهین ئاشكراشیكردووه، “ئێستا خوازیارانى وهرگرتنى قهرزهكه دهتوانن سهردانى لقهكانى بانكهكه بكهن له سهرتاسهرى عێراق بۆ دهستكردن به مامهڵهكانیان”.
