“پێدهچێت ههڵبژاردنى ئهنجوومهنى پارێزگاكانى عێراق دوابخرێت”
هەڵبژاردنەکانی عێراق
SNN
رۆژنامهى سهباحى نیمچه فهرمى حكومهتى عێراق لهسهرزارى سهرچاوهكانیهوه بڵاویكردهوه، ئهگهرى ههیه ههڵبژاردنى ئهنجوومهنى پارێزگاكانى عێراق دوابخرێت، لهبارهى هۆكارهكهشى ئاشكراى كرد، “كۆتایهاتنی ویلایەتی كۆمیسیاران یهكێكه له بهربهستهكان”.
بهپێى ههموارى دووهمى یاساى ئهنجوومهنى پارێزگاكانى عێراق و بڕیارى حكومهتى عێراق، بڕیاره رۆژى 18ى كانونى دووهمى ئهمساڵ ههڵبژاردنى ئهنجوومهنى پارێزگاكانى عێراق له تهواوى پارێزگاكان به كهركوكیشهوه ئهنجام بدرێت.
لهو بارهیهوه بهیانى ئهمڕۆ 8ى ئاب، رۆژنامهى سهباحى نیمچه فهرمى حكومهتى عێراق لهسهر زارى شارهزایانى سیاسى بڵاویكردهوه، “ئهگهرى ههیه ههڵبژاردن دوابخرێت”.
لهبارهى هۆكارى دواخستنى ههڵبژاردنهكه رۆژنامهكه روونیشیكردووهتهوه، “بەشدارینەكردنی رەوتی سەدر و بابهتى پەیوەست بە وادەی كۆتایهاتنی ویلایەتی ئەندامانی ئەنجوومەنی كۆمیسیاران لە كۆمیسیۆنی باڵای هەڵبژاردنەكان كه 7ى كانونى دووهمى 2024 كۆتایی دێت لهو هۆكارانهن كه ئهگهرى دواخستنى ههڵبژاردنهكه زیاد دهكات”.
لهو بارهیهوه جەواد یەساری، ئەندامی لیژنەی هەرێمەكان و پارێزگاكان له ئهنجوومهنى نوێنهرانى عێراق به رۆژنامهكهى راگەیاندووە، “پێشبینی دەكەین هەڵبژاردن دوابخرێت، هۆكاری سەرەكیش, كۆتایهاتنی وادەی ویلایەتی كۆمیسیارانە لەسەرەتای ساڵی داهاتوودا”.
هاوكات وەلید زوبەیدی، شارەزای هەڵبژاردن لهو بارهیهوه ئاماژهى بهوه كردووه، “دواخستنی هەڵبژاردن پهیوهسته به ناكۆكیە سیاسییەكان”.
