بهغدا 58 ملیار دینارى پارهى جوتیارانى ههرێمى رهوانه كرد
دراوى 10 ههزار دینارى عێراق | فۆتۆ: SNN
SNN
كهمێك لهمهوبهر وهزارهتى بازرگانى عێراق بڕى 58 ملیار دینارى پارهى جوتیارانى خسته سهر ههژمارى وهزارهتى بازرگانى حكومهتى ههرێمى كوردستان.
بهیانى ئهمڕۆ چوارشهممه 9ى ئاب، بهڕێوهبهرایهتى گشتى بازرگانى سهربه حكومهتى ههرێمى كوردستان ئاشكراى كرد، “حكومهتى ناوهندى عێراق بڕى 58 ملیار دینار پارهى جوتیارانى خستووهتهسهر ههژمارى بانكى وهزارهتى بازرگانى حكومهتى ههرێمى كوردستان كه بهشێكه له شایسته داراییهكانى ساڵى 2023”.
بهڕێوهبهرایهتى گشتى بازرگانى سهربه حكومهتى ههرێم لهبارهى پشكى پارێزگاكان ئاشكراشیكرد، “بڕى 27 ملیار دینارى پارهكه شایستهى جوتیارانى پارێزگاى سلێمانیه، بڕى 18 ملیار دینارى شایستهى جوتیارانى ههولێره و بڕى 13 ملیار دیناریشى شایستهى جوتیارانى دهۆكه”.
هاوكات نەوزاد کامیل، بەڕێوەبەری گشتی بازرگانی هەرێم لهبارهى وادهى دابهشكردنى پارهكه بهسهر جوتیاران ئاشكراى كردووه، “پاش تەواوبوونی رێکارە کاگێڕی و داراییەکان دەستبە دابەشکردنی پارهكه بهسهر جوتیاراندا دهكرێت بەپێی بهروارى رادەستکردنی گەنمەکە بە سایلۆکان”.
