فەرمانی دەستگیرکردن بۆ مستەفا کازمی دەردەچێت
SNN
ئەندامێکی لیژنەی دەستەی دەستپاکی عێراق دەرچوونی فەرمانی دەستگیرکردنی بۆ سەرۆک وەزیرانی پیشووی عێراق لە چەند رۆژی داهاتوودا راگەیاند.
عەلی تورکی، ئەندامی لیژنەی دەستەی دەستپاکی لە پەرلەمانی عێراق رایگەیاند: مستەفا کازمی، سەرۆک وەزیرانی پێشووی عێراق لەو کاتەی لە پۆستەکەیدابووە چەند بڕیارێکی هەڵەی داوە و لەچەند رۆژی داهاتووشدا فەرمانی دەستگیرکردنی بۆ دەردەچێت.
ئاماژەی بەوەشکردووە: گەندەڵییەکانی کازمی بەبەڵگە سەلمێندراون و فەرمانی دەستگیرکردنەکەش تەنها خۆی ناگرێتەوە، بەڵکو بۆ ئەوانەشە کە لەو بڕیارانەدا لەگەڵیدا بوون و پشتگیریان کردووە.
