” ناردنی شاندی نالێهاتوو بۆ بەغدا بەرژەوەندیەكانی گەلی كوردی لەباربردووە”
SNN
ماڵپەرێکی بەریتانی ئاماژە بەوەدەکات، ناکۆکی و دابەشبوونی سیاسی لە هەرێم بووەتە هۆی ئەوەی حکومەتی فیدڕاڵ نەوت و داهاتەکانی هەرێمی کوردستان کۆنترۆڵ بکات، باس لەوەش دەکات ناردنی شاندی نالێهاتوو بۆ بەغدا بەرژەوەندیەكانی گەلی كوردی لەباربردووە.
لە راپۆرتێکدا ماڵپەری میدل ئیست ئای بەریتانی باسی لەوە کردوە، هەرێم بەهۆی ناکۆکی و دابەشبوونی سیاسی ناوخۆوە زیاتر لاواز بووە، ئەمەش وایکردووە حکومەتی فیدراڵی عێراق بە خێرایی کۆنتڕۆڵی نەوت و داهاتەکانی هەرێمی کوردستان بکاتەوە.
هاوکات ئاماژەی بەوەشکردووە: ئەم دۆخە پاشەکشەیەکی بەرچاوە بۆ هەرێمی کوردستانی عێراق، کە لە دوای 2013ـەوە بانگەشەی ئابووری سەربەخۆ دەکرد و پاشانیش ریفراندۆمی ئەنجامدا.
لە راپۆرتەکەدا هاتووە: دامەزراندنی وەزیر و پەرلەمانتاری نەشیاو و ناردنی شاندی نالێهاتوو بۆ بەغدا بەرژەوەندیەكانی گەلی كوردی لەباربردووە.
هەر لەو رووەوە روونیشی کردووەتەوە: گەندەڵی سیاسی و ئیداری و دارایی لە هەرێمدا، زیاتر هۆکار بووە لە لاوازکردنی قەبارەی هەرێم و دانانی کاندیدی ناشایستەش بۆ پۆستە فەرمییەکانی حکومەتی فیدراڵی، چ وەک پەرلەمانتار یان وەزیر یان دانوستانکار لەگەڵ حکومەتی فیدراڵی، هەمیشە بەرژەوەندی گەلی کوردستانی لاوازکردوە.
